An Daga Ranar Auren Adam A Zango Na Shidda

0 208

An daga ranar auren jarumin fim din Hausa, Adam A. Zango, na shida zuwa bayan bikin karamar Sallah.

Jarumin ya wallafa sanarwar daga bikin nashi a shafinsa na Instagram a yammacin ranar Talata.

Zango ya ce: “Assalamu Alaikum ‘yan uwa da abokan arziki.

Ina sanar da ku cewa an daga aurena har sai bayan Sallah. Za a sanar da ku ranar da aka sake tsayarwa.

“Wadanda ke shirin halartar auren su dakata. Na gode sosai sannan Allah ya shige mana gaba.”

Idan ba a manta ba, rahotanni sun bayyana cewa Adam A. Zango ya kammala shirinsa na yin aure a karo na shida.

Katin dauren auren ya nuna cewa Zango zai auri wata yarinya mai suna Safiya Umar Chalawa,

wadda ake wa lakabin Sufy, da misalin karfe 2:30, ranar Juma’a mai zuwa, a babban Masallacin Sarkin Gwandu, jihar Kebbi.

Sai dai har ya zuwa yanzu ba mu samu takamaimai din dalilin da ya sanya aka daga ranar auren ba.


Ku Danna Comment Domin Rubuta Ra'ayin Ku A Kan Wannan Post Din


Comments
Loading...