Abubuwa 10 da bai kamata miji ya fada wa matarsa ba

Af
8 1,632
Af

Masu iya magana dai na cewa ‘ Magana zarar bunu ce’, a don haka duk kalaman da mutum zai furta kan iya zama sanadiyar gyara ko wargaza zamantakewarsa da iyalinsa.

Ga jerin wasu abubuwa goma da ya kamata duk wani miji ya guji furtasu ga matarsa, saboda mata dan karamin abu kan iya sanya su cikin damuwa:

1. Ya rage naki Mafi yawan mata basu son jin wannan Kalmar. A wasu lokutan zai kasance kana hasashen yin wani abu sai matarka ta baka shawara ko dai kaza zamu yi ne, fadin ya rage naki na matukar bata wa mata rai.

2. Ban iya tuna lokacin da na fadi hakan Haba yallabai, ya zaka fadi magana kuma kace ka mance lokacin da ka fade ta.

Yana da kyau mu tuna mata na da kokarin rike abu a kwakwalwarsu, fadin wannan kalamin kan iya haddasa fitina tsakanin mata da miji.

3. Ban sani ba Wasu lokutan ma tambaya kadan mata za tayi wa mijinta, kawai amsar da zai furta mata ita ce ‘ban sani ba’.

A rika tauna magana kan a fade ta domin gyaran zaman takewa.

4. Ba komai Wasu mazan na da dabi’ar yin biris da matansu, da kuma matar ta tambaya ko lafiya sai ka ji sun ce ba komai.

5. Zanyi amma ba yanzu ba Ba yanzu ba, to sai yaushe? Ba yanzu ba kan iya daukar tsawon lokaci marasa adadi. Ina laifin ka sa lokaci kamar mako guda ko wata guda haka.

6. Meye kikeyi tun safe Wannan kalamin na bakanta ran mata, miji zai fita wurin aiki ya bar mace da dawainiyar yara sai kaji ya dawo abu kadan sai ya fara fadin meye kikeyi tun wayewar gari.

7. Bace min daga gani Idan rai ya baci hankali ke nemo shi, don kun samu rashin jituwa da matarka bai kamata ka furta mata wannan kalma ba wadda aka tsari da tsawa ake yenta.

8. Kin fiye yin…. ko baki taba yin abu kaza ba Korafi baida dadi musamman ga mace. Ai maimakon ka zauna kana kusheta mai zai hana kayi amfani da dubara cikin zance sai ka sako matsala daya ba tare da ka bata mata rai ba.

9. Ai duk laifinki ne Ko da kuwa laifin nata ne da gaske, kamata yayi ka samu wata hanyar lurar da ita domin ta gyara ko dan gaba.

10. Kin fiye kiba Ka guji furta duk wata Kalmar da ka san za ta bata ran matarka.

Ko da kuwa tana da kibar ai ba abinda ya kamata ka rika hantarar ta bane a kai.


Ku Danna Comment Domin Rubuta Ra'ayin Ku A Kan Wannan Post Din

Af
8 Comments
  1. Shehu Abdullahi says

    Gaskiya ne wa’annan magan ganun suna sa fada acikin gida yakamata masu yi su gyara Allah ya bamu ikon yin gaskiya akoda yaushe

  2. Basiru Hassan says

    To gaskiya wannan akwai maganar da yake ba laifi bane akwai kuma wayansu laifi ne

  3. Anonymous says

    Said dai in Matan ba na kirki bane

  4. Nagona production says

    Wannan haka yake malam

  5. Anonymous says

    Your CommentALLAH YA BAMU MATADOR NAGARI

  6. Anonymous says

    Allah sa mudace amma wasu mazan gaskiya suna zaluntan matayensu, sai dae kawai muce Allah ya shiryemu baki daya

  7. Samaila m Abdulkadir says

    Allah ya kyauta

  8. Anonymous says

    gskyakam maza sai ajara kura kurai

Leave A Reply

Your email address will not be published.