NXBpuAZjdZs2pK1hTXWNbChD8gXUeLhCEbFxYYDh

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel

BIKIN AURE. Bikin Aure wanda ya fi kowane biki Albarka da ban sha'awa tare da samar da farin ciki.








BIKIN AURE.
Bikin Aure wanda ya fi kowane biki Albarka da ban sha'awa tare da samar da farin ciki.
Wannan biki za a yi shi ne a cikin Aljanna, bayan Ubangiji (SWT) ya gama yin Hisabi, 'Yan Wuta sun shiga Wuta, 'Yan Aljanna sun tafi Aljanna. Sannan am ba da damar yin ceto shima an gama, masu zaman wa'adi a cikin Wuta sun gama an fito dasu daga Wutar sun tafi Aljanna, to sai a like Wutar da Dalma ba shiga ba fita. Aljanna kuma ta cika da Bayin Allah Salihai, to sai a kira gangamin wannan baki.
Malamai suka ce: Wannan shine taron sada Zumunci da kowa zai ga kowa, duk wanda kake jinsa ko sunansa a tarihi, to a wannan rana za ka ganshi. Annabawa da Mursalai tare da Manyan Bayin Allah Salihai duk za ka gamsu, Allah (SWT) da Kansa zai yi Tajalli kowa ya ganshi ido da ido.
Ya! Ubangiji! Allah kasa damu za a hadu a wannan rana, Allah kasa muna ciki kuma Mune 'Yan gaba gaba.
Ya! DanUwa Mai karatu! Me yasa ba za ka yi kokarin halartar wannan biki ba? Ka sani idan biki ya yi biki babu wanda zai so a rabu, saboda dadi da annashuwa da kuma farin ciki, duk da cewa an gama biki kowa ya tafi gida amma sai a ki, har sai Ubangiji ya tambayi Bayinsa me yasa basa san yafiya? Sai a hada baki duka a ce: ai ganinka Ya! Ubangiji ya fi Aljannar dadi. To a nan take sai Ubangiji ya hallici wata Bishiya kamar Tunfafiya, ta yi Da adadin kowa da yake wannan guri.
Ubangiji (SWT) sai ya yi Umarni kowa ya tsinki guda daya (1), duk wanda ya bude sai ya ga ashe wata Mace ce a ciki Mai suna (Lu' Uba), Allah ya halicceta dan shi kuma ya tsara ita za ta daukewa kowa hankali ya koma gida.
Wannan biki shine bikin auren Annabawa guda biyu:
🌲1- Annabi Zakariyya: Shine wanda Malamai suka ce: Tunda yake bai taba ganin Al'aurarsa ba, bai ma san yanda take ba, saboda tsananin kunya da Tawaru'u, sannan ya bar Duniya bai yi Aure ba, bai taba sha'awarsa ba.
🍦2- Annabi Isah: Shima ya bar Duniya yana Saurayi Matashi bai taba yin Aure ba kuma bai taba sha'awarsa ba.
Wannan yasa Allah ya Alkawarta musu wannan biki a wannan rana, da kuma Hikimar samarwa da Bayin Allah Salihai farin ciki da annashuwa, domin wannan ya ma fi Aljannar dadi. (ALLAHUMMA JA'ALNA FIYHA).
Ya! 'YanUwa! Wannan tunatarwa ne, kasancewar lokacin da ake samun Ticket na shiga wannan guri ya gabato, musamman cikin wannan Wata na Azumi, lokaci mai saukin samun Rahamar Ubanhiji. Ka yi kokari kada a barka a baya, kar ka sake Rahamar Allah ta wuce ka a wannan wata. 'YanUwa! Kamewa, Zikirai da karatun Alqur'ani har da Kiyamul Laili, Mu tabbata mun yi dace da samun Rahama mun samu Aljanna, Mu tabbata mun yi dace da Daren LAILATUL KADARI.
Ya! Allah kasa muna cikin bayinka da za ka 'Yanta a wannan Wata mai alfarma, Allah ka yi mana Rahama ka yafe mana Zunubanmu.
Related Posts
Mr. Naxee
I Am Nazeer Naxee CEO/Founder Of ArewaFresh Blog. Thank You!

Related Posts